Kjúklingaborgari að hætti Rakelar Maríu

Kolagrillaður kjúklingaborgari með rauðkálssalati og Big Mac-sósu — réttur sem allir geta töfrað fram leikandi létt.

Burgari

• 1 pk. Saffran Piri piri úrbeinuð kjúklingalæri (450-500 g)
• 8 sneiðar Ísbúi ostur
• 4 stk. Lífskornabollur
• 1 bakki tilbúnar sætar kartöflur í bitum

Rauðkálssalat

• 0.5 haus rauðkál
• eftir smekk raspaðar gulrætur (4-6)
• 3 msk. grísk jógúrt
• 0.5 stk. límóna (safinn)
• 1 tsk. siracha-sósa
• eftir smekk salt og pipar

Big Mac-sósa

• 250 g sýrður rjómi
• 2 msk. sætt sinnep
• 2 msk. tómatsósa
• eftir smekk súrar gúrkur, smátt saxaðar
• 1 tsk. paprikukrydd
• 1 tsk. chilikrydd

Aðferð

1. Hitið grillið og ná góðum hita. Byrjið á meðlætinu á meðan grillið hitnar.
2. Rauðkálssalat: Raspið rauðkálið gróft og gulræturnar. Hrærið saman gríska jógúrt, límónusafa og siracha-sósu. Kryddið með salti og pipar. Blandið rauðkáli og gulrótum vel saman.
3. Big Mac-sósa: Hrærið saman sýrðan rjóma, tómatsósu og sinnep. Bætið saxaðri sýrðri gúrku og kryddið með paprikukryddi og chilikryddi. Geymið í kæli.
4. Setjið úrbeinuðu kjúklingalærin á funheitt grill og grillið á hvorri hlið í 7–10 mínútur.
5. Þegar þið snúið lærinu við, leggið tvær ostsneiðar yfir hvert læri og látið bráðna vel.
6. Leggið brauðbollurnar á hvolf á grillið í stutta stund. Smyrjið Big Mac-sósu á botnana, setjið rauðkálssalat og síðan kjúklinginn með osti ofan á. Berið fram og njótið.